يعني ايه موقع الكتروني ؟طبعا انت عارف يعني ايه موقع الكتروني بس لو انت ملكش اوي في الويب فغالبا انت متعرفش عنها كتير و دلوقتي هعرفك عنها اكتر
لموقع الالكتروني بيبقى عبارة عن شوية لغات برمجة معقدة كده ملكش دعوة بيها لانها محتاجة دراسة مفصلة ومن برمجة اللغات دي لما تفتح اي موقع بيجيب لك اول صفحة من الموقع واللي بنسميها الصفحة الرئيسية عشان توصل للموقع الالكتروني بتكتب في العنوان اللي بيبقى تحت النوافذ اللي بنسميه الدومين (هنتكلم عنه بعدين) لينك الموقع او اسم الموقع والمتصفح هيكمله عادي بالذكاء الاصطناعي وده اللي كلنا بنعمله طبعا طب ايه بقى انواع المواقع الالكترونية اولا : المواقع الثابتة static و دي بتبقى مواقع الكترونية ثابتة متقدرش تتفاعل معاها كل اللي المواقع دي بتعمله انها بتعرض محتوى و انت تشوفه وبس و دي بتتم بلغة HTML بالكامل المواقع الثابتة بتبقى ارخص في تطويرها و استضافتها و اسرع في تطويرها عن المواقع الديناميكية بس لكل ميزة عيب وعيب المواقع الثابتة انك متقدرش تغير محتوى الموقع الا عن طريق مطوري الموقع ومن الاخر المواقع الثابتة مش هتنفعك لو عايز تعمل متجر الكتروني او موقع اخباري او موقع لشركتك الخاصة ثانيا : المواقع الديناميكية دي بقى يا سيدي بتتطور بلغات معقدة اكتر بكتير من HTML لانها بتوفرلك خدمة ادارة الموقع اللي مش موجودة في المواقع الثابتة ولكن كل حاجة ليها تمن لان المواقع الديناميكية او المتحركة بتبقى اغلى من المواقع الثابتة لان تكاليف استضافتها اغلى بمراحل ومش سريعة التطوير زي الثابتة لانها بتتكون من اكتر من لغة برمجة زي PHP و ASP
تقدر تزور صفحتنا على فيسبوك لمعرفة المزيد عبر
